Hierdie wonderbaai is ons tuiste, ons vakansieverblyf, ons werkplek, kuierplek en ons trots. Oesterbaai is geleë ± 90km vanaf Port Elizabeth naby St Francisbaai, Humansdorp en Jeffreysbaai. Hier is ongeveer 400 wonings waarvan ± 50 permanent bewoon word. Hier woon ‘n klein gemeenskap wat verantwoordelikheid neem vir die omgewing en wat toesien na die belange van al sy belasting betalers.
Inwonersvereniging
Die Oesterbaai Inwonersvereniging is gestig met die doel om die inwoners by te staan in ‘n poging om die agteruitgang van die infrastruktuur en dienste teen te staan
en proaktief op te tree. Die Inwoners het ‘n bestuur gekies om na die belange van sy lede om te sien.
Die OIV se Algemene Jaarvergadering sal in Desember 2023 om 10:00 in die Saal plaasvind. Nominasies vir die Bestuurskomitee van die OIV kan nou gedoen word. Nominasievorms is by Riekie of Anita (Sekretaresse) by Marlynstr. 10 beskikbaar. Voltooide nominasievorms moet die dag voor die vergadering aan ons terugbesorg word.
